Қордай ауданы, Жамбыл ауылының мәдениет үйінде ауыл тұрғындары мен жастардың қатысуымен «Адал қоғам – рухани байлықтың негізі» тақырыбында тағылымды кездесу өтті. Іс-шараны «Әл Хафиз» мешітінің молдасы Таукеев Талғат ұйымдастырып, «Өтеген» мешітінің ұстазы Атанбаев Нұрсұлтан қатысты.

Кездесу барысында қоғамдағы адалдықтың маңызы, адам бойындағы имандылық пен жауапкершілік, үлкенге құрмет, кішіге ізет көрсету және жастардың рухани тәрбиесі жөнінде насихат айтылды. Сонымен қатар, адал еңбек ету, өзара сыйластық пен қоғамдық ортада жақсы мінез қалыптастырудың маңызы түсіндірілді. Жастар тарапынан қойылған сұрақтарға жауап беріліп, рухани құндылықтарды дәріптеу мен салауатты қоғам қалыптастыру жолдары жөнінде пікір алмасты.

Қорытындысында Алла Тағаладан елімізге амандық, халқымызға береке, жастарымызға иман мен ізгілік, әр шаңыраққа тыныштық нәсіп етіп, адалдық пен адамгершілікті ту еткен ізгі жандардан болуды жазғай деп дұға жасалды.

Аудандық «Қордай» мешіті баспасөз қызметі