Шығанақ ауылындағы «Досекеұлы Абсат» мешітінде отбасы құндылықтарын насихаттауға арналған уағыз жүргізілді. Уағыз барысында әйелдің отбасындағы орны, ерлі-зайыптылар арасындағы өзара сыйластық пен түсіністіктің маңызы кеңінен айтылды.

Мешіт имамы Рақымбай Түсіпов ажырасудың алдын алу, отбасындағы адалдық пен жауапкершілік мәселелеріне тоқталып, шаңырақтың берекесін сақтау үшін ерлі-зайыптылардың бір-біріне құрметпен қарап, қиындықтарды сабырмен әрі ақылдасып шешуі қажеттігін түсіндірді.

Сонымен қатар әкенің отбасы тәрбиесіндегі жауапкершілігі, балаға үлгі болу және отбасы мүшелеріне қамқорлық көрсету жөнінде насихат айтылды.

Уағыз соңында жамағатқа отбасы – қоғамның негізі екені түсіндіріліп, шаңырақтағы татулық пен берекені сақтаудың маңыздылығы ескертілді.

«Мойынқұм» мешітінің баспасөз қызметі.