Байзақ ауданына қарасты Аққия ауылында тұрғындармен кездесу өтіп, «Адал қоғам – татулықтың нышаны» тақырыбы кеңінен насихатталды. Кездесу барысында бас имам Қанат Әділханұлы адалдықтың адам өміріндегі маңызына тоқталып, қоғамдағы өзара сенім мен сыйластықтың негізі шынайылық пен әділдікке байланысты екенін атап өтті.

Сонымен қатар, ауыл тұрғындарына ағайын арасындағы татулықты сақтау, бірлік пен ынтымақты нығайту, үлкенге құрмет көрсетіп, кішіге ізет білдірудің маңызы түсіндірілді. Тағылымды басқосу барысында тұрғындар өз ойларын ортаға салып, қоғамдағы адамгершілік құндылықтарды дәріптеу жөнінде пікір алмасты.