Жамбыл облыстық «Һибатулла Тарази» медресе-колледжінің шәкірттеріне Меркі ауданынан арнайы 140 қорап балғын алма жеткізілді. Ілім жолындағы жастардың қамын ойлап, шәкірттердің игілігі үшін ұйымдастырылған бұл қайырымдылық бастамасына аудандық «Меркі ата» мешітінің бас имамы Дәуіт Сейітқалиұлы ұйытқы болды.

Ислам дінінде білім алушыларға қолдау көрсетіп, олардың алаңсыз тәлім алуына жағдай жасау – үлкен сауапты іс. 

Оқу орнының ұжымы мен шәкірттері игі шараға атсалысқан барша Меркі жұртшылығы мен бастамашы болған дін өкілдеріне шынайы алғыстарын білдіріп, ел игілігі үшін атқарып жатқан еңбектеріне береке тіледі.

"Һибатулла Тарази" медресе-колледжінің баспасөз қызметі