Байзақ ауданының бас имамы Қанат Әділханұлы Бурыл ауылының халқымен кездесу өткізіп, «Адаспа асыл дініңнен» тақырыбында тағылымды насихат айтты.

Кездесу барысында бас имам Қанат Әділханұлы теріс діни ағымдардың зардабы, дәстүрлі діни ұстанымның ерекшеліктері, ислам дінінің адам өміріндегі маңызына тоқталып, асыл дініміздің құндылықтарын сақтау, имандылықты берік ұстану және ұлттық руханиятты дәріптеу жөнінде ой бөлісті.

Сонымен қатар, жастар тәрбиесі, діни сауаттылықты арттыру және қоғамдағы ауызбіршілік пен өзара құрметтің маңызы сөз болды.

Жиын соңында ауыл тұрғындары көкейдегі сауалдарын қойып, өзара пікір алмасты.