Маржангүл ана мешітінде жамағатқа «салафи-уахабилік діни ағымы»тақырыбында түсіндіру жұмысы жүргізілді. Кездесудің негізгі мақсаты – тұрғындардың діни сауаттылығын арттыру, жат діни идеологиялардың алдын алу және дәстүрлі діни танымның маңызын түсіндіру. Маржангүл ана мешітінің имамы Үкібаев Ғазиз кездесуде салафи-уахабилік бағыттың қалыптасуы, діни ұстанымдарының ерекшеліктері және қоғамға ықпалы туралы сөз қозғады.

Сонымен қатар дінді үстірт түсініп, әлеуметтік желілердегі тексерілмеген діни ақпараттарға еріп кетудің ықтимал қауіптері жөнінде түсіндірді. Ғазиз имам діни мәселеде білім мен сауаттылықтың маңызына тоқталып, кез келген діни ақпаратты саралап, дін маманына жүгінуді тілге тиек етті.

Маржангүл ана мешіті баспасөз қызметі.