Тамды ауылдық мәдениет үйінде әйел-ананың қоғамдағы және отбасындағы мәртебесін айқындауға арналған тағылымды басқосу өтті. «Асыл дініміз бен дәстүріміздегі әйел кісінің орны» тақырыбында ұйымдастырылған дөңгелек үстелде әйел затының қадір-қасиеті, отбасы тәрбиесіндегі рөлі және ұлттық құндылықтар жайы кеңінен сөз болды. Ұлт тәрбиесінде ана – отбасының ұйытқысы, шаңырақтың берекесі әрі ұрпақтың алғашқы ұстазы саналған. Басқосу барысында ұлттық салт-дәстүр мен діни құндылықтардың өзара сабақтастығы да сөз болды.

Қазақтың «Анаға қарап қыз өсер, әкеге қарап ұл өсер» деген нақылының мәніне тоқталған қатысушылар ұрпақ тәрбиесінде ата-ана өнегесінің орны бөлек екенін атап өтті. Дөңгелек үстел барысында қатысушылар да өз ойларын ортаға салып, қоғамдағы әйелдің рөліне қатысты пікірлерімен бөлісті.

"Тәңкібай ата" мешіті баспасөз қызметі.