Қазақ халқының салт-дәстүрінде ақ дастарханның орны ерекше. Дастархан басында бата беру – ұрпақтан ұрпаққа жалғасып келе жатқан тағылымды дәстүрдің бірі. Ақкөл мешітінің имамы Амиров Сейткамаладдин ақ дастарханға бата берудің мән-маңызына тоқталып, бұл дәстүрдің тәрбиелік мәні зор екенін атап өтті. Оның айтуынша, бата – үлкеннің кішіге ақ тілегін білдіріп, ізгі ниетін жеткізетін рухани құндылық.

Бата арқылы халқымыз ақ тілек пен ізгі ниетін білдіріп, дастарханның берекесін, отбасының амандығын, елдің тыныштығын тілеген. Бұл – үлкенді сыйлау мен кейінгі ұрпаққа өнеге көрсетудің жарқын үлгісі. Бүгінде мұндай дәстүрлерді дәріптеу – ұлттық құндылықтарды сақтап, оны жас ұрпақтың бойына сіңірудің маңызды жолдарының бірі.

"Ақкөл" мешітінің баспасөз қызметі