Қордай ауданы, Қордай ауылы «Рахман» мешітінде жамағатқа арналған айлық дастархан жайылды. Игі басқосудың негізгі мақсаты – жамағат арасындағы бауырмалдықты арттырып, өзара сыйластық пен ынтымақты нығайту.

Шара барысында аудан бас имамы Азамат Берікұлы жамағатқа «Бауырмалдық» тақырыбында тағылымды уағыз-насихат айтты. Имам өз сөзінде мұсылман баласының бір-біріне қамқор болып, қиындықта қолдау көрсетуі, өзара кешірімділік пен татулықты сақтауы маңызды екенін атап өтті. Айлық дастархан барысында жамағат өзара пікір алмасып, рухани әңгіме өрбітіп, бір-біріне ізгі тілектерін білдірді.

Осындай басқосулар мешіт жамағатының ауызбіршілігін арттырып, бауырмалдықты бекемдей түсетіні сөзсіз. Шара соңында ел амандығы, жұрт тыныштығы мен береке-бірлік үшін дұға жасалды. Алла Тағала жамағат арасындағы бауырмалдықты арттырып, елімізге тыныштық, халқымызға ынтымақ пен береке нәсіп етсін!

Аудандық «Қордай» мешіті баспасөз қызметі