Мәдімар ауылында өткен Байзақ ауданына қарасты төртінші аймақтың имамдары бас қосқан жиында аудан бас имамы Қанат Әділханұлы мешіт қызметін жүйелі ұйымдастыру, имамдардың кәсіби біліктілігін арттыру және діни-ағартушылық бағыттағы жұмыстарды жетілдіру мәселелеріне кеңінен тоқталды.

Семинар барысында бас имам имамдық қызметтің жауапкершілігін тілге тек етіп, жамағатпен тұрақты байланыс орнатудың, халыққа діни білімді дұрыс әрі түсінікті жеткізудің маңыздылығын атап өтті.

Кездесуде имамдардың күнделікті қызметінде кездесетін мәселелер, жамағат арасында бірлік пен өзара сыйластықты қалыптастыру, жастармен және түрлі әлеуметтік топтармен жүргізілетін рухани-ағартушылық жұмыстарды күшейту бағыттары сөз болды.

Семинарда сөз алған Мәдімар ауылының ардагерлер кеңесінің төрағасы Жамбыл Дәулетов ауылда атқарылған рухани және қайырымдылық шараларын баяндады. Бұл өз кезегінде өзге ауылдың имамдарына жақсы ой салды. Жиынға қатысушылар өзара пікір алмасып, тәжірибелерімен бөлісті.