Шу ауданы Көкқайнар ауылындағы Мәдениет үйінде «Дін – тәрбиенің тірегі» тақырыбында тағылымды кездесу өтті.

Жиын барысында отбасы тәрбиесінің бала қалыптасуындағы маңызы кеңінен сөз болды. Ата-ананың балаға көрсететін үлгісі, әке мен ананың отбасындағы жауапкершілігі, сондай-ақ ұл мен қыз тәрбиесіне қатысты ұлттық және діни құндылықтар жөнінде насихат айтылды.

Кездесуде отбасы – қоғамның негізгі тірегі екені айтылып, ата-аналарды бала тәрбиесіне бейжай қарамай, перзентіне жақсы үлгі болуға шақырды. Жиын соңында қатысушылар өзара пікір алмасып, отбасы тәрбиесіне қатысты пайдалы кеңестер алды.

Шу аудандық «Жәми» мешітінің баспасөз қызметі.