Қордай ауданы, Қордай ауылындағы «Рахман» мешітінде «Мектепке жол» қайырымдылық акциясы жалғасын тапты. Игі шараның негізгі мақсаты – балаларға қолдау көрсетіп, жаңа оқу жылына қажетті оқу құралдарымен қамтамасыз ету және қайырымдылық жасау дәстүрін дәріптеу. Акция барысында мешіт жамағатының қолдауымен 10 оқушыға мектеп сөмкелері және оқу құрал-жабдықтары табысталды. Балаларға қажетті құралдардың берілуі олардың жаңа оқу жылын жақсы көңіл-күймен бастауына септігін тигізді.

Мешіт имамы Кеулимжаев Нұрмұхамед қайырымдылықтың қоғамдағы маңызына тоқталып, жас ұрпаққа көрсетілген әрбір қолдаудың игілікті іс екенін атап өтті. Сондай-ақ демеушілік жасап, шараға атсалысқан азаматтарға ризашылығын білдірді. «Мектепке жол» акциясы аясындағы мұндай игі бастамалар балаларға қамқорлық көрсетіп, қоғамдағы өзара жанашырлық пен мейірімділікті арттыруға бағытталған.

Аудандық «Қордай» мешіті баспасөз қызметі