Маржангүл ана мешітінде жамағатқа «Таблиғи жамағаты діни ағымы» тақырыбында түсіндіру жұмысы жүргізілді. Мешіт имамы Үкібаев Ғазиз кездесуде аталған діни ағымның ерекшеліктері мен ұстанымдарына тоқталып, діни мәселелерде сауатты әрі дұрыс ақпарат алудың маңызын түсіндірді. Әңгіме барысында азаматтардың діни сауаттылығын арттыру, күмәнді діни ақпараттарға сақтықпен қарау және дін мәселесінде білікті мамандардың кеңесіне жүгіну қажеттігі айтылды.

Сондай-ақ жамағатқа қоғамның тұрақтылығы мен бірлігін сақтау, ұлттық құндылықтарды құрметтеу және діни фанатизмнің алдын алу жөнінде түсінік берілді. Кездесу соңында қатысушылар өздерін қызықтырған сұрақтарын қойып, тақырып аясында пікір алмасты.

"Маржангүл ана" мешіті баспасөз қызметі.