Жуалы ауданының Шақпақ ауылдық округіндегі «Ынтымақ» мешітінде қайырымдылық шарасы ұйымдастырылды.

Шара барысында ауыл молдасы Ермекбай Шотбайұлы ауылдағы тұрмысы төмен, әлеуметтік қолдауды қажет ететін үш отбасының шаңырағына арнайы барып, олардың жағдайымен танысты. Мешіт тарапынан аталған отбасыларға үш кілем табысталып, қайырымдылық көмек көрсетілді.

Игі шараның мақсаты – мұқтаж жандарға қолдау білдіріп, мешіт пен жамағат арасындағы өзара жанашырлық пен мейірімділікті арттыру. Қайырымдылық – қоғамдағы бірлік пен берекені нығайтатын сауапты амалдардың бірі.

Жуалы аудандық мешітінің баспасөз қызметі.