Қордай ауданы, аудандық «Қордай» мешітінде сүндетке отырғызылған екі балаға арнайы көңіл бөлініп, игі тілек пен бата берілді. Мешіттің бас имамы Азамат Берікұлы сүндеттелген балаларды құттықтап, ата-аналарына алғысын білдірді.

Сонымен қатар, балаларға сыйлықтар табыстап, дендеріне саулық, өмірлеріне береке, білім мен тәрбиеде биіктен көрінулерін тіледі. Сүндет – халқымыздың салт-дәстүрінде де, мұсылмандық жолда да маңызды орын алатын игі амалдардың бірі. Осы орайда балаларға сүндеттің мән-маңызы түсіндіріліп, имандылыққа, ізгілікке және жақсы мінез-құлыққа ұмтылу жөнінде насихат айтылды.

Шара барысында балаларға ақ батасын берген бас имам олардың ата-аналарына бала тәрбиесіне жауапкершілікпен қарап, ұрпағын ізгілікке баулуға шақырды. Еліміз аман, жұртымыз тыныш, ұрпағымыз салихалы болсын!

Аудандық «Қордай» мешіті баспасөз қызметі