Қордай ауданынан «Дарқан дала» жобасы аясында рухани-танымдық сапарға шыққан шәкірттер «Һибатулла Тарази» медресе-колледжінің кітапханасына арнайы барып, кітапхана қорымен танысты.

Сапар барысында шәкірттер кітапхананың тарихы, рухани-ағартушылық бағыттағы қызметі және ондағы құнды еңбектер жөнінде мағлұмат алды. Сонымен қатар, кітапхана қорында сақталған тарихи жәдігерлерді тамашалап, олардың маңызы мен тарихына қатысты мәліметтермен танысты. Шәкірттерге діни және рухани білім алуда кітап оқудың, ізденудің және тарихи мұраны зерделеудің маңызы түсіндірілді.

Кездесу барысында жастардың білімге деген қызығушылығын арттыру, ұлттық және діни құндылықтарды дәріптеу бағытында тағылымды әңгімелер айтылды. «Дарқан дала» жобасы аясындағы бұл сапар шәкірттердің тарихи-рухани мұрамен жақынырақ танысып, білімге деген ынтасын арттыруға мүмкіндік берді. Алла Тағала баршамызға пайдалы білім, қабыл болатын дұға нәсіп етсін!

Аудандық «Қордай» мешіті баспасөз қызметі