«Жарас ата» мешітінің имамы жамағатқа «Ихсан» тақырыбында тағылымды насихат айтып, ихсан ұғымының мәні мен мұсылман өміріндегі маңызына тоқталды.

Насихат барысында ихсанның – әрбір істі шынайы ықыласпен, көркем түрде және Алланың разылығын көздеп орындау екені түсіндірілді. Адамның жасаған әрбір ісін Алла Тағала көріп тұрғанын сезінуі оның мінез-құлқы мен амалдарын түзетуге себеп болатыны айтылды.

Пайғамбарымыз (Оғана Алланың слауаты мен сәлемі болсын) Жәбірейіл хадисінде ихсанды: «Аллаға Оны көріп тұрғандай құлшылық етуің. Егер сен Оны көрмесең де, Ол сені көріп тұр» деп түсіндірген. (Бұхари, Муслим)

Имам жамағатты ғибадатта, отбасында, қызметте және адамдармен қарым-қатынаста ихсан қағидасын ұстануға шақырды. Өйткені көркем мінез, шынайы ықылас және өзгелерге жақсылық жасау – ихсанның көрінісі.

Меркі аудандық «Меркі ата» мешітінің баспасөз қызметі