«Ботбай баба» мешітінің ұжымы мен жамағаты  шәкірттердің бос уақытын тиімді ұйымдастыру мақсатында шәкірттерді бассейнге апарып,арнайы демалыс ұйымдастырды. Шәкірттер суға түсіп, сергіп, өзара көңілді уақыт өткізді.

Іс-шараның басты мақсаты – шәкірттердің денсаулығын нығайтып, салауатты өмір салтын қалыптастырумен қатар, мешіттегі білім алу барысын түрлі пайдалы әрі тәрбиелік шаралармен ұштастыру.

Пайғамбарымыз (Оған Алланың салауаты мен сәлемі болсын): «Күшті мүмін әлсіз мүміннен жақсы әрі Аллаға сүйіктірек» - деген. Сондықтан жастардың денсаулығына көңіл бөліп, спортпен шұғылдануына жағдай жасау – маңызды міндеттердің бірі.

Шәкірттердің осындай тәрбиелік және спорттық шараларға белсенді қатысуы олардың дені сау, сергек әрі ұйымшыл болып қалыптасуына ықпал етеді.

Меркі аудандық «Меркі ата» мешітінің баспасөз қызметі