Ақтөбе ауылындағы «Жылғабек» мешітінде «Аталар мектебі» аясында «Ақсақалдан ақыл – кеңес» атты тағылымды іс-шара ұйымдастырылды.

Іс-шара барысында Алихан Есқақов қатысушыларға насихат айтып, үлкеннің өнегесі мен ақыл-кеңесінің жас ұрпақ тәрбиесіндегі маңызы, ұлттық құндылықтарды дәріптеу, ата-баба дәстүрін сақтау және отбасы бірлігін нығайту жөнінде кеңінен баяндады.

Кездесу соңында қатысушылар өзара пікір алмасып, ақсақалдардың өмірлік тәжірибесі мен өнегелі өсиеттеріне ризашылықтарын білдірді.

Шу аудандық «Жәми» мешітінің баспасөз қызметі.