Жуалы ауданы, Бауыржан Момышұлы ауылындағы орталық «Толымбай тегі Зиябек» мешітінде құптан намазының алдында жамағатқа тағылымды насихат айтылды.

Насихатты «Ән-Нұр» мешітінің имамы Алғабек Тұрдалыұлы жүргізді. Ол ислам әдебін негізге ала отырып, жамағатқа «Фиқһ дәрістері» тақырыбында уағыз-насихат айтып, фиқһ ғылымының мұсылман өміріндегі маңызына тоқталды.

Уағыз барысында «Ғұсыл бабы» кеңінен түсіндіріліп, ғұсылдың парыздары, орындалу тәртібі, оның шариғаттағы үкімі мен тазалықтың құлшылықтағы маңызы жан-жақты баяндалды. Сондай-ақ жамағат тарапынан қойылған сұрақтарға шариғат аясында нақты жауаптар беріліп, мұсылманның күнделікті өмірінде діни білімді дұрыс меңгерудің қажеттілігі насихатталды.

Жуалы аудандық мешітінің баспасөз қызметі.