Жуалы ауданы, Бауыржан Момышұлы ауылындағы «Толымбай тегі Зиябек» мешітінде жамағатқа арналған «Қоғам дерттері» тақырыбында тағылымды уағыз-насихат ұйымдастырылды.

Басқосу барысында Жуалы ауданының имамы Есет Тұрдыбайұлы жат ағымдардың қоғамға тигізер кесірі мен зиянына кеңінен тоқталды. Тексіз де теріс бағыттардың адам санасын улап, ел ішіндегі бірлік пен ынтымаққа сызат түсіретінін ерекше атап өтті.

Сондай-ақ аудан имамы жамағатқа діни сауаттылықты арттырудың, ғасырлар бойы қалыптасқан дәстүрлі құндылықтарды дәріптеудің және тек дұрыс бағытта білім алудың маңыздылығын түсіндірді.

Жуалы аудандық мешітінің баспасөз қызметі