Маржангүл ана мешітінде балалардың бос уақытын тиімді өткізуіне және ұлттық құндылықтарды дәріптеуге бағытталған шара өтті.

Мешіт имамы Үкібаев Ғазиз балалар арасында асық ойынын ұйымдастырды. Қазақ халқының дәстүрлі ойындарының бірі саналатын асық ойыны баланың шапшаңдығын, мергендігін, ептілігін арттыруға және ұйымшылдыққа тәрбиелеуге ықпал етеді. Шара барысында бүлдіршіндер асық атып, өзара жарысып, қызықты уақыт өткізді.

Ұлттық ойын арқылы балаларға ата-бабадан қалған мұраны құрметтеу, салт-дәстүрді бағалау және ұлттық болмысты сақтау жөнінде тәлім берілді. Шара соңында барлық балаларға балмұздақ таратылып, оларға көтеріңкі көңіл күй сыйланды.

"Маржангүл ана" мешіті баспасөз қызметі.