Қордай ауданы, Ауқатты ауылындағы «Усман бин Аффан» мешітінде шығыс аймаққа жауапты ұстаз Атанбаев Нұрсұлтан жамағатқа тағылымды насихат айтты.

Насихат барысында мұсылманның көркем мінезі, Аллаға деген ықыласты құлшылық, бірлік пен бауырмалдықтың маңызы кеңінен сөз болды. Сондай-ақ жамағатты бес уақыт намазды тұрақты орындауға, Құран оқып, діни білімді арттыруға және ізгі амалдарды көбейтуге үндеді.

Ұстаз өз сөзінде Ислам дінінің бейбітшілік пен мейірімділікке негізделгенін айтып, қоғамдағы татулықты сақтау, ата-анаға құрмет көрсету, жастарға дұрыс тәрбие беру және ұлттық құндылықтарды дәріптеудің маңыздылығына тоқталды. Насихат соңында жамағаттың сұрақтарына жауап беріліп, елдің амандығы, жұрттың тыныштығы мен бірлігі үшін дұға жасалды.

Аудандық «Қордай» мешіті баспасөз қызметі