Жуалы ауданының Қоңыртөбе ауылындағы «Малдыбай» мешітінің аумағында дәретхана мен санитарлық торап кешенінің құрылысы басталды.

Аталған жоба мешіт жамағаты мен келушілерге санитарлық талаптарға сай қолайлы жағдай жасап, намаз алдында дәрет алу рәсімін жеңілдетуге бағытталған.

Осы игі бастамаға байланысты мешіт имамы Ғабит Кәдірәліұлы құрылыс жұмыстарына қолдау көрсеткен ауыл тұрғындары мен демеушілерге шынайы ризашылығын білдіріп, ақ батасын берді.

Бұл игі іс ауыл тұрғындарының ауызбіршілігі мен сауапты іске деген жанашырлығының жарқын көрінісі болып табылады.

Жуалы аудандық мешітінің баспасөз қызметі.