Шу ауданы «Жәми» мешітіндегі «Арафат» кітаптар дүкенінде Қазақстан мұсылмандары діни басқармасының баспасөзінен жарық көрген діни әдебиеттер көпшілікке таныстырылып, насихатталды.

Шара барысында оқырмандарға сенімді діни білім алудың маңыздылығы түсіндіріліп, Муфтият баспасынан шыққан кітаптардың мазмұны мен ерекшеліктері туралы ақпарат берілді. Сонымен қатар, жамағатқа діни сауаттылықты арттыруға, дәстүрлі ислам құндылықтарын тануға және рухани дамуға арналған әдебиеттер ұсынылды.

Мұндай игі бастамалар халықтың діни танымын арттыруға, дұрыс діни ақпараттың кеңінен таралуына және рухани құндылықтарды дәріптеуге өз үлесін қосады.

Шу аудандық «Жәми» мешітінің баспасөз қызметі.