Қордай ауданы, аудандық «Қордай» мешітінде ауданның бас имамы Азамат Берікұлының ұйымдастыруымен мешіт аумағындағы тал-дарақтарды тиімді суару мақсатында тамшылатып суару жүйесі орнатылды.

Аталған жоба жасыл желектерді күтіп-баптауды жақсартып, су ресурстарын үнемді пайдалануға мүмкіндік береді. Тамшылатып суару технологиясы ағаштардың уақытылы әрі жеткілікті мөлшерде су алуын қамтамасыз етіп, олардың жақсы өсіп-жетілуіне оң әсерін тигізеді.

Бұл игі бастама мешіт аумағын көркейтіп, қоршаған ортаны қорғауға және табиғатты аялауға бағытталған жұмыстардың бірі болып табылады.Алла Тағала атқарылған игі істерге береке беріп, туған өлкеміздің гүлденуіне үлес қосқан барша азаматтарға сауаптан жазсын!

Аудандық «Қордай» мешіті баспасөз қызметі