Жамбыл облысындағы Естай баба мешітінде кезекті игі іс жүзеге асты. Жомарт жандардың демеушілігімен Алла үйіне жаңа аспалы шамдар уақып етіліп, мешіттің ішкі жарықтандыру жүйесі жаңартылды.

Игі бастамаға ауыл тұрғындары мен жамағат ерекше қуаныштарын білдіріп, мешіт көркіне көрік қосқан азаматтарға алғыстарын жеткізді. Жаңа шамдар мешіт ішін жарық әрі сәнді етіп, құлшылық жасауға қолайлы жағдай жасалды.

Шара барысында мешіт имамы Мұхтар Мэльсұлы уақып жасаудың Ислам дініндегі маңызына тоқталып, Алла үйіне жасалған әрбір игі істің сауабы мол екенін атап өтті. Сонымен қатар мешіттің қажеттіліктеріне қолдау білдіру – сауапты әрі үзілмейтін сауапқа себеп болатын амалдардың бірі екендігін жеткізді.