Меркі ауданының имамдары табиғат аясында бас қосып, тау бөктерінде рухани-танымдық іс-шара ұйымдастырды. Іс-шара барысында қазақы дәстүрімізді дәріптеу мақсатында киіз үй тігіліп, ұлттық құндылықтар кеңінен насихатталды.

Жиналған имамдар табиғаттың көркем көрінісін тамашалап, өзара пікір алмасып, бауырластық қарым-қатынасты нығайтты. Кездесу барысында діни-рухани уағыз-насихаттар айтылып, қоғамдағы бірлік пен татулықтың маңызы сөз болды.

Сонымен қатар, еліміздің тыныштығы мен халқымыздың амандығы үшін дұға жасалып, Алла Тағаладан береке-бірлік, бейбіт өмір тіленді. Жиынның рухани әсерін арттыра түскен қазақтың тағылымға толы термелері орындалып, ұлттық өнеріміздің өнегесі насихатталды.

Мұндай игі шаралар дін мен дәстүр сабақтастығын нығайтып, ұлттық құндылықтарды дәріптеуге, сондай-ақ имамдардың өзара ынтымағы мен бірлігін арттыруға оң ықпал етеді.

Меркі аудандық «Меркі ата» мешітінің баспасөз қызметі