Аудандық Бәйдібек мешітінің наиб имамы Азамат Балхожаев мешітке келген жамағатқа «Дәстүр және отбасы құндылықтары» тақырыбында тағылымды насихат жүргізіп, ұлттық тәрбиенің қоғамдағы маңызына кеңінен тоқталды.

Уағыз барысында ол отбасының адам өміріндегі ең басты құндылықтардың бірі екенін атап өтіп, ұрпақ тәрбиесінің ең алдымен шаңырақтан басталатынын түсіндірді.

Сонымен қатар, наиб имам қазақ халқының салт-дәстүрлері мен әдет-ғұрыптарының отбасы бірлігін нығайтуда ерекше рөл атқаратынын айтып, олардың тәрбиелік мәнін жан-жақты баяндады.

Ол ата-ананы құрметтеу, үлкенге ізет көрсету және кішіге қамқор болу сияқты қасиеттердің ұлттық болмысымыздың ажырамас бөлігі екенін ерекше атап өтті.

Кездесу барысында отбасы мүшелерінің өзара сыйластығы мен жауапкершілігі қоғамның тұрақтылығы мен берекесінің негізі екендігі түсіндірілді.

Сондай-ақ, Азамат Балхожаев жаһандану дәуірінде ұлттық құндылықтарды сақтап, оларды жас ұрпақтың бойына сіңіру әрбір ата-ананың маңызды міндеті екенін жеткізді.

Насихат кезінде дәстүр мен діннің өзара сабақтастығы сөз болып, олардың адамгершілік пен ізгілікті қалыптастырудағы орнына ерекше назар аударылды.

Жамағатқа отбасы институтын нығайту арқылы қоғамдағы татулық пен бірлікті сақтауға болатыны жөнінде маңызды ойлар айтылды.

Тағылымды кездесу соңында қатысушылар дәстүр мен отбасы құндылықтарының ұлт болашағын қалыптастырудағы маңызын терең түсініп, рухани тәрбиені күшейтудің қажеттілігі туралы пайдалы мәліметтер алды.

Жамбыл аудандық орталық мешітінің баспасөз қызметі