31 мамыр – саяси қуғын-сүргін және ашаршылық құрбандарын еске алу күніне орай аудан бас имамы Қанат Жұмағұл тағылымды шараға қатысып, жазықсыз жапа шеккен боздақтардың рухына Құран бағыштады.

Шара барысында қуғын-сүргін құрбандары бір минут үнсіздікпен еске алынып, олардың ел тәуелсіздігі мен болашақ ұрпақ үшін тартқан ауыр тағдырлары туралы айтылды. Аудан бас имамы ата-бабаларымыздың рухына дұға жасап, Алла Тағаладан олардың мекенін жәннаттан етуін тіледі.

Сондай-ақ, жиналған қауымға өткен тарихтан тағылым алып, ел бірлігі мен татулығын сақтау, бейбітшілік пен тұрақтылықтың қадірін білу керектігі жөнінде насихат айтылды.

Алла Тағала дүниеден өткен барша ата-бабаларымыздың рухын шат, жатқан жерлерін жайлы етсін! Әмин.