Көктөбе ауылындағы «Рақыш ата» мешітінде ауыл ақсақалдарымен кездесу ұйымдастырылды. Кездесуді ауданның бас имамы Алмас Кенжемолдаев жүргізді.

Жиын барысында ауылдағы діни ахуал, жастар тәрбиесі, ұлттық дәстүрлер мен рухани құндылықтарды дәріптеу мәселелері сөз болды. Бас имам жамағат арасында бірлікті нығайту, дәстүрлі діни танымды насихаттау және қоғамдағы өзекті мәселелердің алдын алу бағытында атқарылып жатқан жұмыстарға тоқталды.

Өз кезегінде ауыл ақсақалдары мешітте жүзеге асырылып жатқан игі шараларға ризашылықтарын білдіріп, ауылдың рухани өмірін дамытуға және діни тұрақтылықты сақтауға әрдайым қолдау көрсетуге дайын екендіктерін жеткізді.

Шу аудандық «Жәми» мешітінің баспасөз қызметі.