Қордай ауданы, Қаракемер ауылындағы «Қаракемер 2» мешітінде ауданның Бас имамы Азамат Берікұлы жұма намазын өткізіп, жамағатқа насихат айтты. Уағыз барысында «Жаман ойдан аулақ болу – ізгіліктің бастауы» тақырыбы кеңінен қозғалып, ислам дініндегі көркем мінездің маңызы, жүрек тазалығы және адамдарға жақсы көзқараспен қараудың сауабы жайында айтылды. Сондай-ақ жамағат ізгі ой мен игі амалдың қоғамдағы татулық пен бірлікті нығайтудағы орны туралы тағылымды насихат тыңдады.

Жұма намазына жиналған жамағат уағыздан рухани әсер алып, дініміздің асыл құндылықтарын дәріптеуге шақырылды. Алла Тағала баршамызға жүрек тазалығын, көркем мінез бен ізгі амалдарды нәсіп етсін!

Аудандық «Қордай» мешіті баспасөз қызметі