Қордай ауданы, Қақпатас ауылындағы «Қақпатас» мешітінің имамы Жармахамбет Танаубайұлының ұйымдастыруымен «Балаларды қорғау» күніне орай мерекелік шара өтті.

Ізгі шара барысында ауыл балаларына балмұздақ пен тәттілер таратылып, мерекелік көңіл-күй сыйланды. Балалардың жүзіндегі қуаныш пен шаттық ұйымдастырылған игі істің маңызын айқындай түсті. Мешіт ұжымы өскелең ұрпаққа қамқорлық көрсету, олардың бойына ізгілік пен мейірімділік қасиеттерін сіңіру – қоғам алдындағы маңызды міндеттердің бірі екенін атап өтті.

Алла Тағала бүлдіршіндерімізге амандық, жарқын болашақ нәсіп етіп, олардың қуанышына себеп болған азаматтардың игі істеріне береке берсін!

Аудандық «Қордай» мешіті баспасөз қызметі