Шу аудандық «Жәми» мешітінде орыс тілді қыз-келіншектер тобының ұйымдастыруымен «Исламдағы шебер қыз» атты тағылымды іс-шара өтті. Кеш барысында әжелер мен аналар қыз балаларға өз өнерлерін көрсетіп, қолөнердің қыр-сырын үйретті. Атап айтқанда, қыздарға тоқыма тоқу, тігін тігу және басқа да ұлттық әрі тұрмыстық қолөнер түрлері таныстырылды.

Сонымен қатар, іс-шара аясында «Исламдағы қыз тәрбиесі» тақырыбында уағыз-насихат айтылып, қыз баланың тәрбиесі, әдебі мен қоғамдағы орны жайында кеңінен сөз қозғалды. Жиналған көпшілік рухани әрі тәрбиелік мәні зор кештен ерекше әсер алды.

Шу аудандық «Жәми» мешітінің баспасөз қызметі.