Жуалы ауданы Теріс ауылдық округіндегі «Мырзахмет ата» мешітінде қасиетті Құрбан айт мерекесіне орай айт намазы оқылып, құрбандықтар шалынды.

         Айттың шуақты күнінде ауыл тұрғындарына ақжарма ізгі тілектер айтылып, дүниеден өткен ата-баба мен ағайын-туыстардың рухтарына қасиетті Құран бағышталды.

         «Құрбан шал да, Раббыңа құлшылық қыл» деген тағылымды сөзбен үндес бұл мереке — береке мен мейірімнің, ауызбіршілік пен бауырмалдықтың айқын көрінісі. Құрбан айт — адамдарды қайырымдылыққа, жанашырлыққа және татулыққа үндейтін ұлық мейрам.

Жуалы аудандық мешітінің баспасөз қызметі.