Қордай ауданы, Арал ауылы «Арал» мешітінде Құрбан айт мерекесіне орай жамағатқа насихат айтылып, мерекелік құттықтау жұмыстары жүргізілді. Іс-шара барысында Қордай аудандық «Қордай» мешітінің наиб имамы Жанұзақ Әнебеков жиналған көпшілікті қасиетті мерекемен құттықтап, Құрбан айттың мұсылман қауымы үшін маңызына тоқталды.

Сонымен қатар, құрбан шалудың шарттары, оның шариғаттағы үкімі мен орындалу тәртібі кеңінен түсіндіріліп, жамағат тарапынан қойылған сұрақтарға жауап берілді. Имам ізгілік пен қайырымдылықтың арта түсуіне тілектестік білдіріп, ел амандығы мен бірлігі үшін дұға жасады.

Аудандық «Қордай» мешіті баспасөз қызметі