Ақтөбе ауылының 1988 жылы туған, 2006 жылы Қ.Сәтбаев мектебін тәмамдаған түлектері игі іске ұйытқы болды. Ауылымыздың көпбалалы азаматы Жарылқасынов Ғалымжанға қолдау көрсетіп, баспаналы болуына себепкер атанды. Түлектердің демеушілігімен 1 миллион 800 мың теңге көлемінде қаржы жиналып, отбасының қоныс тойына үлкен қуаныш сыйлады.

Бұл игі бастама — туған жерге деген жанашырлық пен ауызбіршіліктің айқын көрінісі. Қайырымдылық жасап, мұқтаж отбасыға қол ұшын созған азаматтарға ауыл тұрғындары ризашылықтарын білдіруде.

Шу аудандық «Жәми» мешітінің баспасөз қызметі.