Жуалы ауданы Теріс ауылдық округіндегі «Мырзахмет ата» мешітінің имамы Бауыржан Мұсағалиұлының ұйымдастыруымен ауылдағы мұқтаж отбасыларға демеушілердің қолдауымен азық-түлік түрінде қайырымдылық көмегі көрсетілді.

Бұл — ата-бабамыздан жалғасып келе жатқан мейірім мен жанашырлықтың жарқын көрінісі. Қазақ халқы: «Қайырымдылық жасасаң — қайырын өзің көресің» дейді. Алла Тағала Құран Кәрімде: «Кімде-кім бір жақсылық жасаса, оған он есе сауап беріледі» деп баяндайды («Әнғам» сүресі, 160-аят).

Пайғамбарымыз Мұхаммед ﷺ хадисінде: «Адамдардың ең жақсысы — адамдарға пайдасы тигені», — деген.

Осындай игі іске үлес қосқан барша жомарт жандарға Алла разы болсын! Берген садақаларыңыз еселеніп қайтып, шаңырақтарыңыздан береке мен тыныштық кетпесін. Бірлігіміз бекем, мейіріміміз мол болсын! — деп имам ақ тілегін жеткізді.

Жуалы аудандық мешітінің баспасөз қызметі.