Құрбан айт мерекесіне орай Аққұм ауылындағы Тұңғатар ата мешітінде жамағатқа арналған уағыз-насихат жиыны өтті. Мешіт имамы Абатов Дәурен жиналған қауымға құрбан шалудың маңыздылығы мен оның шариғаттағы орны туралы кеңінен түсіндіріп өтті.

Уағыз барысында құрбандық шалудың мұсылман өміріндегі рухани мәні, құрбанға жарамды малдың шарттары, сондай-ақ құрбан шалу кімдерге міндет саналатыны жайлы маңызды мәліметтер айтылды. Сонымен қатар имам құрбандықты шынайы ықыласпен орындаудың сауабы мен мұқтаж жандарға көмек көрсетудегі тәрбиелік мәніне тоқталды.

Жамағат тарапынан қойылған сұрақтарға жауап беріліп, Құрбан айт мерекесін шариғат талаптарына сай өткізу жөнінде пайдалы кеңестер айтылды. Осындай насихат жұмыстары ауыл тұрғындарының діни сауатын арттырып, ізгілік пен бауырмалдық құндылықтарын нығайтуға ықпал етеді деп сенеміз.

"Тұңғатар ата" мешітінің баспасөз қызметі.