Қызыләуіт ауылында "Жаңабай сопы" мешітінің имамы Төсбаев Әбдіқали ақсақалдың бастамасымен ауыл тұрғындары жиналып, жамағатпен бірге истисқа намазы оқылды. Игі шара барысында ауыл халқы Жаратушыдан жаңбыр тілеу мақсатында тасаттық беріп, құрбандық шалды. Жамағат елдің амандығы, жердің берекесі және мал-жанның өсіп-өнуі үшін шын ықыласпен дұға жасады.

Әбдіқали имам мұндай құлшылық амалдарының мұсылман өміріндегі орны мен маңызын түсіндіріп, қиын сәттерде Аллаға жалбарынудың мәнін атап өтті. Сондай-ақ, бірлік пен ынтымақтың берекеге бастайтынын жеткізді. Жиын соңында ауыл тұрғындары елге тыныштық, жерге молшылық тілеп, рухани әсерге толы сәтпен тарқасты.

"Жаңабай сопы" мешітінің баспасөз қызметі.