"Әбдірашит ата" мешітінің имамы Ахат Қайыпбергенұлы мешіт жамағатына “Ұлттық құндылықтардың діндегі орны” тақырыбында кең көлемді насихат жүргізді.

Кездесу барысында Ахат имам ұлттық салт-дәстүрлер мен ислам дінінің өзара үйлесімділігі туралы айтып, дәстүрдің шариғатқа қайшы келмеген жағдайда қоғам үшін маңызды тәрбие құралы екенін атап өтті. Сондай-ақ, ұлттық құндылықтарды сақтау – ел бірлігі мен рухани тұрақтылықтың негізі екені кеңінен түсіндірілді.

Ахат Қайыпбергенұлы өз сөзінде үлкенді құрметтеу, ата-анаға ізет көрсету, адалдық пен кішіпейілділік сияқты қасиеттердің дінімізде де, ұлттық тәрбиеде де ерекше орын алатынын жеткізді. Жиынға қатысқан жамағат мазмұнды насихатты ықыласпен тыңдап, өз ой-пікірлерін білдірді. Шара рухани тұрғыда әсерлі өтіп, көпшілікке тағылымды тәлім берді.

"Әбдірашит ата" мешітінің баспасөз қызметі.