Сәду Шәкіров ауылындағы "Байтоқты баба" мешітінде жамағатпен рухани кездесу өтті. Мешіт имамы Оспанов Бақдәулет жиналған қауымға ата салт-дәстүрі мен асыл дініміздің сабақтастығы туралы кең көлемде уағыз айтты.

Насихат барысында қазақ халқының ұлттық құндылықтары мен ислам дінінің үндестігі кеңінен түсіндіріліп, үлкенге құрмет, кішіге ізет көрсету, әдеп пен имандылықтың маңызына тоқталды.

Сонымен қатар, ата-бабадан келе жатқан салт-дәстүрлердің дінімізбен үйлесетін тұстары айтылып, жастарды ұлттық әрі рухани құндылықтарды құрметтеуге шақырды. Жамағат уағыздан рухани әсер алып, имамға алғыстарын білдірді.

"Байтоқты баба" мешітінің баспасөз қызметі.