Ислам және адал қоғам жылы аясында Бірлік ауыл әкімшілігінде «Адал еткенің – Алла жолында жүргенің» тақырыбында кездесу ұйымдастырылды. Кездесуді «Бірлік» мешітінің имамы Жұматай Медет жүргізіп, адал еңбек, адамгершілік құндылықтар және қоғамдағы бірліктің маңызы жайында насихат айтты.

Сонымен қатар, Бірлік ауылында түрлі ұлт өкілдері тату-тәтті өмір сүріп жатқанын атап өтіп, ұлттар арасындағы сыйластық пен ауызбіршіліктің қоғам тұрақтылығындағы орны туралы тағылымды ойларымен бөлісті. Имам ел ішіндегі татулық пен өзара құрмет – бейбіт өмірдің басты негізі екенін жеткізді.

Кездесу барысында қатысушылар рухани тақырыптар төңірегінде пікір алмасып, Құрбан айт мерекесіне жоспарлар талқыланды.

Шу аудандық «Жәми» мешітінің баспасөз қызметі.