“Кеңесхан қажы” мешітінде жұма күні қайырымдылық жәрмеңкесі ұйымдастырылды. Игі шара барысында жиналған қаражат әлеуметтік жағдайы төмен отбасыларға көмек көрсетуге бағытталмақ.

Жәрмеңке мешіт жамағатының ауызбіршілігі мен қайырымдылыққа деген жанашырлығын айқын көрсетті. Қатысушылар сауапты іске үлес қосып, мұқтаж жандарға қолдау білдірді.

Шарадан соң мешіт шәкірттері тазалық жұмыстарын жүргізіп, мешіт іші мен ауласын ретке келтірді. Олар қоршаған ортаның тазалығына мән беріп, мешіт аумағын көркейтуге өз үлестерін қосты.

«Һибатулла Тарази» мешітінің баспасөз қызметі