Андас батыр ауылдық мешіт имамы Абдураимов Әділ әскери бөлім сарбаздарымен кездесіп, «Жат ағымнан сақтану» тақырыбында насихат айтты. Кездесу барысында сарбаздарға дәстүрлі діннің маңызы, жат діни ағымдардың қоғамға тигізер зияны және діни ақпаратты сенімді дереккөздерден алу қажеттігі түсіндірілді.

Имам өз сөзінде ата-бабамыз ұстанған ханафи мәзһабы мен матуриди сенімінің бірлік пен тұрақтылықтың негізі екенін атап өтті. Сонымен қатар, әлеуметтік желілердегі күмәнді діни ақпараттарға ермеу қажеттілігі айтылды.

Сарбаздарға Отанды қорғау – үлкен жауапкершілік әрі сауапты іс екені насихатталып, ел тыныштығы мен татулықты сақтау әр азаматтың міндеті екені жеткізілді. Кездесу соңында сарбаздар көкейдегі сұрақтарын қойып, тұщымды жауаптар алды.

Меркі аудандық «Меркі ата» мешітінің баспасөз қызметі