«Ар-Раззақ» мешітінің имамы Молдашев Нұрбол Кеңес ауыл тұрғындарымен арнайы кездесіп, Қазақстан мұсылмандары діни басқармасының атқарып жатқан жұмыстары туралы кеңінен таныстырды. Кездесу барысында ҚМДБ-ның қоғамдағы діни тұрақтылықты сақтау, рухани тәрбие беру және қайырымдылық  қызметтері жайлы айтылды.

Сонымен қатар, имам жамағатқа ҚМДБ-ның төрт негізгі бағыты бойынша түсіндірме жұмыстарын жүргізді. Атап айтқанда, ихсан және насихат, діни оқу-ағарту жұмыстары, дәстүр және отбасы, жат діни ағымдардан сақтандыру бағытындағы атқарылып жатқан істер түсіндірілді.

Кездесу барысында тұрғындар өздерін толғандырған діни сұрақтарын қойып, тұщымды жауаптар алды. Жамағат мұндай тағылымды кездесулердің берері мол екенін айтып, алғыстарын білдірді.

Меркі аудандық «Меркі ата» мешітінің баспасөз қызметі