9 мамыр – Жеңіс күніне орай Шу ауданындағы мешіттерде Ұлы Отан соғысында ерлікпен қаза тапқан боздақтар мен өмірден өткен ардагерлердің рухына арнап Құран хатым бағышталды.

Игі шара барысында мешіт жамағаты мен ауыл ақсақалдары жиналып, ел тыныштығы мен бірлігі үшін дұға жасалды. Сондай-ақ ардагерлердің ерлігі ұрпаққа үлгі екені айтылып, жастарды отансүйгіштікке тәрбиелеу жайында насихат жүргізілді.

Жиын соңында келген тұрғындар ұйымдастырушыларға алғыстарын жеткізді.

Шу аудандық «Жәми» мешітінің баспасөз қызметі.