ҚМДБ-ның Жамбыл облысы бойынша бас имамы Асқар Зәкіржанұлы Қордай ауданы, Қаракемер ауылындағы «Қаракемер 2» мешітінде жұма уағызын жүргізді.

Бас имам жамағатқа «Отанды сүю – иманнан» тақырыбында насихат айтып, ислам дініндегі елге деген сүйіспеншілік, туған жерге құрмет және қоғам алдындағы жауапкершілік жайында кеңінен тоқталды. Сондай-ақ, бейбітшілік пен бірліктің маңызына назар аударып, әр азаматтың ел дамуына үлес қосуы – ізгі амал екенін атап өтті.

Жұма намазына жиналған жамағат рухани әсер алып, ел амандығы мен тұрақтылығы үшін дұға жасады.

«Һибатулла Тарази» мешітінің баспасөз қызметі.