Қосақ ауылында жергілікті тұрғындардың ұйымдастыруымен ауыл бейітінің басында  кең көлемді тазалық жұмыстары өтті. Игі шараға ауыл ақсақалдары, жастар және жамағат өкілдері қатысып, бейіт аумағын қоқыстан тазартып, шөптерді орып, қоршау маңын ретке келтірді.

Сенбілік барысында ауыл имамы зират әдебі, өткендерге құрмет көрсету және тазалықтың исламдағы маңызы жайында насихат айтып, мұндай игі істердің қоғам тәрбиесіндегі орны ерекше екенін атап өтті. Сонымен қатар, жамағатты әрдайым тазалыққа мән беруге шақырды.

Аталған шара ауыл тұрғындарының бірлігі мен ауызбіршілігін айқындап, сауапты іске жұмылған көпшіліктің ынтымағын көрсетті. Мұндай игі бастамалар алдағы уақытта да жалғасын табады деп күтілуде.