«Өткенге құрмет – баршаға міндет» тақырыбы аясында ауыл жастары мен мешіт жамағаты игі іске ұйытқы болды. Шара барысында ауыл имамының бастауымен елді мекен маңындағы бейіт басы тазартылып, айналасы ретке келтірілді.

Тағылымды шараның мақсаты – өткенге тағзым жасап, ата-баба рухына құрмет көрсетумен қатар, жастарды еңбекке, жауапкершілікке және туған жерді қадірлеуге баулу. Игі іске қатысқан жастар бейіт маңын қоқыстан тазартып, қоршау маңын ретке келтіріп, ортақ іске өз үлестерін қосты.